Sport

Ikipe ya APR FC yamaze gutandukana n`abakinnyi bayo babiri aribo Ruboneka Bosco utarumvikanye nayo kuri gahunda yo kongera amasezerano, inarekura Mugisha Gilbert utakiri muri gahunda zayo.

Ikipe ya Rayon Sport yamenyeshejwe n’impuzamashyirahamwe y`umupira w`amaguru muri Afurika (CAF), ko itemerewe kwitabira imikino ya CAF Confederation Cup, mu gihe itarishyura Souleymane Daffé wayikiniye n`umutoza Afahmia Lotfi.

Ikipe ya APR FC yongeye amasezerano y`umwaka umwe umutoza wayo,Taleb Abderrahim. Aya masezerano ashobora kuzongerwa mu gihe yatanga umusaruro mwiza.

Ikipe ya APR FC iri mu nzira zo gutandukana n`abakinnyi bayo babiri, Ruboneka Bosco na Yunussu Nshimiyimana, bitewe no kutumvikana kubyo bahabwa kugira ngo bongere amasezerano.

Myugariro Ishimwe Christian, wakiniraga ikipe ya Police FC, yerekeje muri APR FC, aho yasinye amasezerano y`imyaka 2.

Perezida w`ishyirahamwe ry`umupira w`amaguru mu Rwanda (FERWAFA), Shema Ngoga Fabrice, yagaragaje ko mu gihe ikipe y`igihugu y`uRwanda yatsinda Cap Vert mu majonjora y`igikombe cy`Afurika, yaba igaragaje ubushobozi bwo kujya mu gikombe cy`isi.

Ikipe ya Gicumbi FC igiye guha andi amasezerano y`umwaka umwe umutoza wayo Bisengimana Justin nyuma yuko ayifashije iyi kipe kuguma mu cyiciro cya mbere muri uu mwaka.

Umutoza w’Ikipe y’igihugu y`uRwanda ‘Amavubi’, Stephen Constantine, yavuze ko uRwanda rwiteguye gutsinda imikino izakinirwa i Kigali n’ubwo uRwanda rwisanze mu itsinda rikomeye mu gushaka itike y’igikombe cya Afurika cya 2027 (CAN 2027).

Ikipe ya RSSB Tigers, ihagarariye uRwanda, yabonye itike yo kugera ku mukino wa nyuma mu mikino ya BAL iri kubera mu Rwanda, nyuma yo gusezerera Al Ahly yo mu Misiri. RSSB Tigers ibaye ikipe ya mbere yo mu Rwanda ibashije kugera ku mukino wa nyuma muri aya marushanwa ya Basketball.

Myugariro w`ikipe ya Kiyovu Sport, Mbonyingabo Regis n`umukinnyi wo hagati Nsanzimfura Keddy bongeye amasezerano y`imyaka ibiri, aho bagiye gukomezanya na Kiyovu Sport kugeza mu mwaka wa 2028.