Sport

Ikipe ya Kiyovu Sports yatandukanye n`umutoza mukuru wayo Mark Harrison, atoje imikino itanu mu mezi 2 yari ayimazemo. Ubuyobozi bwa Kiyovu Sports buvuga ko igenda rye ridafitanye isano n`ibibazo by`amikoro.

Ruboneka Jean Bosco, uherutse gutandukana na APR FC, yerekeje muri Libya, aho agiye gikinira ikipe ya Al-Tahaddi SC Benghazi yo mu cyiciro cya mbere, ku masezerano y`umwaka umwe.

Ikipe ya REG y`abagore muri Basketball, yahaye akazi Cheikh Sarr nk`umutoza mukuru wayo, mu rwego rwo kwitegura amarushanwa ya FIBA Africa Zone 5 y`abagore (FIBA Africa Zone 5 Women’s Club Championship).

Umutoza w’ikipe y’igihugu y’u Rwanda y’abagore, Cassa Mbungo André, avuga ko hari ibibazo byinshi mu mupira w`amaguru w`abagore, ku buryo uwabivuga atabirangiza, nubwo bitaba urwitwazo rwo gutsindwa.

Ikipe y’igihugu y’u Rwanda, Amavubi,yazamutseho imyanya 9 ku rutinde ngarukakwezi rw`ishyirahamwe ry`umupira w`amaguru ku isi (FIFA Ranking),nyuma yo gutsinda imikino 2 ya mbere mu majonjora y`igikombe cya Afurika cya 2027.

Ikipe y’igihugu y’u Rwanda y`abagore, She-Amavubi, yatangiye nabi urugendo rwo gushaka itike y’Imikino Olempike ya 2028 (2028 Summer Olympics), nyuma yo gutsindirwa mu rugo na Ethiopia igitego 1-0 mu mukino ubanza w’ijonjora rya kabiri.

Ikipe y’Amagaju FC yahawe uburenganzira na Minisiteri ya Siporo bwo gukomeza gukoresha Stade ya Huye mu kwakirira imikino yayo, ndetse no kuhakorera imyitozo muri uyu mwaka w’imikino.

Minisitiri wa Siporo, Nelly Mukazayire, yasezeranyije ikipe y’igihugu y’u Rwanda ya volleyball mu bagabo ko izafashwa kubona imyiteguro ihagije n’imikino ya gicuti ikomeye, mu rwego rwo kuyifasha kuzamura umusaruro mu marushanwa mpuzamahanga.

Amavubi U23 yakatishije itike y’ijonjora rya kabiri Ikipe y’Igihugu y’u Rwanda y’Abatarengeje imyaka 23, Amavubi U23, yageze mu ijonjora rya kabiri ryo gushaka itike y’Igikombe cya Afurika cya 2027, nyuma yo kunganya igitego 1-1, bifasha u Rwanda gukuramo Sudani U23 ku giteranyo cy’ibitego 4-1.