Rwanda Premier League: Umusifuzi azajya ahabwa ibihumbi 130 kuri buri mukino
Urwego rushinzwe shampiyona y’icyiciro cya mbere mu Rwanda (Rwanda Premier League), rwatangaje ko buri musifuzi wo muri shampiyona y`icyiciro cya mbere, azajya ahembwa ibihumbi 130 frw kuri buri mukino.
Yanditswe na Kayitankore Dieudonné•
Kuri uyu mbere, tariki ya 31 Kanama 2026, ni bwo Rwanda Premier League, ibicishije ku mbuga nkoranyambaga zayo, yemeje aya makuru.
Rwanda Premier League yatangaje ko guhera mu mwaka w`imikino wa 2026-2027, buri musifuzi azajya ahabwa ibihumbi 30 frw yiyongera ku bihumbi 100 frw bari basanzwe bagenerwa kuri mukino basifuye muri shampiyona y`icyiciro cya mbere.
Uyu mwanzuro wafashwe mu rwego rwo gukomeza gufasha abasifuzi gukora akazi kabo neza batabangamiwe n`ibibazo bishingiye ku bushobozi mu ngendo no gucumbika, cyane cyane ku bajya gusifura imikino ibere kure mu ntara.
Ibi bisobanura ko umusifuzi wasifura imikino yose uko ari 36 muri shampiyona ya 2026-2027, azahabwa amafaranga angana na milliyoni n`ibihumbi 800 by`amafaranga y`u Rwanda.