Madou Zon wa TP Mazembe yumvikanye na APR FC
Ikipe ya APR FC yamaze kumvikana na myugariro w`umuna Burkina Faso, Madou Zon, ukinira ikipe ya TP Mazembe yo muri Republika iharanira Demokarasi ya Congo.
Yanditswe na Kayitankore Dieudonné•
Amakuru aturuka muri APR FC, yemeza ko iyi kipe y`ingabo z`igihugu yamaze gusoza ibiganiro na Madou Zon kugira ngo azayikinire mu gihe cy`imyaka ibiri iri imbere.
Madou Zon, usanzwe nari nawe kapiteni w`ikipe ya TP Mazembe, yari amaze imyaka 3 mu ikipe ya TP Mazembe, aho yageze avuye muri AS Douanes y`iwabo muri Burkina Faso. Mbere yo kwerekeza muri AS Douanes, Madou Zon yakiniye ikipe ya Kassoum Ouédraogo Zico Académie.
Ku mwanya aguzweho muri APR FC, umunya Burkina Faso, Madou Zon, ahasanze abanyarwanda bane aribo Niyigena Clément, Nshimiyimana Yunussu, Nduwayo Alexis na Ishimwe Abdoul. Abisikanye n’umunya-Sénégal Aliou Souané wasezerewe na APR FC nyuma yo gusoza amasezerano.
Madou Zon, abaye umukinnyi wa gatatu bimenyekanye ko yasoje ibiganiro na APR FC nyuma y`umunya Côte d’Ivoire Amani Kouadio, usatira aca ku ruhande rw`ibumoso n`umunyezamu Ernan Siluane ukomoka muri Mozambique.